Боловсролын багц хуулиудыг танилцуулах, 2023-2024 оны хичээлийн зорилго, зорилтын хүрээнд холбогдох хууль тогтоомжийг хэрэгжүүлэх, багшийн хөгжлийг ханган байгууллагын менежментийг сайжруулахад дэмжлэг үзүүлэх зорилготой “Боловсролын шинэ сэргэлт-Хэнтий” зөвлөгөөн 9 дүгээр сарын 6-ны өдөр Хан Хэнтий чуулгат зохион байгуулагдлаа.
Зөвлөгөөнд төрийн өмчийн ерөнхий боловсролын сургууль, цэцэрлэг, политехник коллеж зэрэг байгууллагын 500 орчим удирдах ажилтан, багш нар оролцож байна.
Мөн зөвлөгөөний үеэр УИХ-ын 18 дугаар тойргийн гишүүдийн зүгээс багш нарт нэн тулгамдаж байсан асуудлын нэг болох зөөврийн компьютерыг гардуулан өглөө. Тодруулбал ЕБС, СӨББ-ын багш нарт хичээл сургалтаа явуулах, нэгж хичээлийн төлөвлөгөө боловсруулахад нь дэмжлэг үзүүлэх зорилгоор 1185 ширхэг зөөврийн компьютерыг гардуулжээ.
