Хэнтий аймагт “Соёл гоё” уриан дор “YDB-2023” залуучуудын чуулга уулзалт өнөөдөр \2023.08.23\ эхэллээ. Тус чуулга уулзалтад УИХ-ын гишүүн Ц.Идэрбат, ХХААХҮЯ-ны дэд сайд М.Ганхүлэг, Хэнтий аймгийн засаг дарга Ц.Чогсомжав, ИТХ-ын дарга Г.Хэрлэнчулуун, МАНХ-ны дэд дарга Б.Энх-Эрдэнэ болоод 18 сум 3 тосгоны төлөөлөл болсон 600 гаруй залуучууд оролцож байна.
Энэхүү залуучуудын чуулганыг “Алсын хараа-2050” Монгол улсын урт хугацааны хөгжлийн хөтөлбөрийн “Хот хөдөөгийн сэргэлтийн бодлого”-ыг хэрэгжүүлэх ажлын хүрээнд залуучуудыг орон нутагтаа шилжин суурьшиж ажиллаж амьдрах нөхцөлийг бүрдүүлэх, залуучуудын эв нэгдэл, эрх чөлөө, шударга ёсны оролцоог нэмэгдүүлэх, чөлөөт цагийг зөв боловсон өнгөрүүлэх цаашлаад урлагаар дамжуулан тэднийг нэгтгэж, соён гэгээрүүлэх, дуу хоолойг нь сонсох зорилгоор зохион байгуулж байна.
Чуулганыг зохион байгуулснаар төрөөс залуучуудын чиглэлээр баримталж буй бодлого шийдвэрийн талаар нэгдсэн ойлголт өгөх, орон нутгийн хөгжилд залуучуудын оролцоо нэмэгдүүлэх чиглэлээр нэгдсэн уриалгад хүрэх, чуулга уулзалтаас гарсан саналыг залуучуудын үндэсний чуулганд хүргүүлэх гэх мэт үр дүн гарна хэмээн үзэж байгаа юм.
