Хэнтий аймгийн ОБГ-ын дарга, хурандаа Ж.Эрдэнэбатаар ахлуулсан ажлын хэсэг аймгийн засаг даргын захирамжийн дагуу Баян-Овоо сумын сэг зэм устгах ажлын бодит нөхцөл байдалтай газар дээр нь танилцлаа.
Өвөлжилтөөс үүдэж Баян-Овоо суманд энэ жил 28051 мал хорогджээ. Энэ нь нийт малын 17.6 хувийг эзэлж байгаа бөгөөд нийт 9 цэгийг бий болгон, үхсэн малаа цэвэрлэх ажлыг зохион байгуулж байна.
Тус сумын хувьд сэг зэмийн устгалын ажлыг шуурхай зохион байгуулахад ковш, ариутгалын бодис, эксвеватор, хөдөлмөр хамгааллын хувцас хэрэглэл, шатахууны зардал буюу 111.4 сая төгрөг \том оврын техник 107.1 сая, ачааны машин 4.05 сая, суудлын автомашин 0.25 сая\ шаардлагатай гэдгийг хэллээ. Тодруулбал Баян-Овоо суманд дайчлах том оврын машин техник байхгүй тул түрээсээр авчирч ажиллуулахаар төлөвлөжээ.
Гэвч ажлын хэсгийн гишүүдийн зүгээс ганцхан суманд 100 гаруй сая төгрөг төсөвлөх нь боломжгүй асуудал, иймд шатахууны зардлыг дахин тооцоолох хэрэгтэй гэлээ.
