Галшар суманд төмөр зуд нүүрлэж, мал малчин хоёрт хүндээр тусаад байгаа. Тиймээс Улаанбаатар хотод ажиллаж амьдардаг нутгийн иргэд малчдадаа туслах үүднээс “Сэтгэлийн дэмээ малчин түмэндээ” хандивыг хэдхэн хоногийн өмнө эхлүүлсэн.
Тус хандиваар эхний ээлжид малчдад нэн шаардлагатай байгаа өвс тэжээл, хивэг дөхүүлэх юм. Мөн Галшар сум хүчин чадал сайтай машин техник байхгүйн улмаас зам гаргаж чадахгүй цасанд боогдож түүнийгээ дагаад иргэдийн сум хооронд зорчих хөдөлгөөн хязгаарлагдаад байгаа.
Тиймээс Улаанбаатар хотод ажиллаж, амьдарч буй залуусын төлөөллүүд хандивын хүрээнд зам гаргах хоёр ковшийг ирэх долоо хоногоос сумандаа ажиллуулахаар болжээ. Тус ковшийг “Тэгш плант” ХХК-ийн захирал Батбилэг шийдвэрлэж өгсөн байна.
