Хэнтий аймгийн Норовлин сум волейболын спортын мастерууддаа хүндэтгэл үзүүлж, тэднийхээ нэрэмжит нээлттэй тэмцээнийг зохион байгууллаа. Нээлтийн үйл ажиллагаанд Норовлин сумын ИТХ-ын дарга Х.Лхагва, Засаг дарга Ө.Даваажаргал нар оролцож баг тамирчдад баяр хүргэснээр тэмцээн эхэлж, хоёр өдрийн турш амжилттай зохион байгуулагдав.
Тус тэмцээнд эрэгтэй 7, эмэгтэй 4 баг оролцож, хурд хүч, авхаалж самбаагаа сорин өрсөлджээ. Тэгвэл тэмцээний дүн гарч эрэгтэй төрөлд:
• 1-р байр – Дөлгөөнтамир ахлагчтай Дадал сумын баг тамирчид
• 2-р байр – М.Ууганбаатар ахлагчтай Политехникийн багш нарын баг
• 3-р байр – Ш.Амаржаргал ахлагчтай Норовлин сумын “Дайчид” баг
Эмэгтэй төрөлд
• 1-р байр – Н.Хулан ахлагчтай 36-р төгсөлтийн баг тамирчид
• 2-р байр – Ч.Үржинбадам ахлагчтай Норовлин сумын баг тамирчид
• 3-р байр – Б.Бүтэнбаяр ахлагчтай “NG” баг тамирчид
Шилдгийн шилдгүүдээр
• Шилдэг эрэгтэй довтлогч – А. Нандин-Эрдэнэ
• Шилдэг эрэгтэй тэгш тоглогч – Т. Отгонбаяр
• Шилдэг эрэгтэй холбогч – Тэлмэн
• Шилдэг эмэгтэй довтлогч – Н. Хулан
• Шилдэг эмэгтэй тэгш тоглогч – Г. Отгончимэг
• Шилдэг эмэгтэй холбогч – Ю. Намуунзаяа нар тус тус шалгарав.
