Хэнтий аймгийн Засаг дарга Ц.Чогсомжав, Биндэр сумын Засаг дарга Э.Мөнх-Очир, ГХБХБГ-ын ахлах мэргэжилтэн Б.Гантөгс нар Биндэр суманд баригдаж буй спорт заалны барилгын ажилтай танилцлаа.
Биндэр суманд 2020 оноос хойш улсын төсвийн 1 тэрбум 200 сая төгрөгийн хөрөнгө оруулалтаар спорт заал баригдаж байгаа. Тэгвэл тус спортын заалны барилгын ажлын гүйцэтгэл 85 хувьтай үргэлжилж байгаа бөгөөд энэ 9 сардаа багтаагаад улсын комисст хүлээлгэн өгөхөөр ажиллаж байна.
Одоогоор барилгын дотор засал, акустик хавтан наах бэлтгэл ажил хийгдэж байгаа юм. Мөн шалны цэвэрлэгээ дууссаны дараа модон шал угсрах ажил эхэлнэ.
Хэнтий аймгийн Газрын харилцаа барилга хот байгуулалтын газраас өнгөрөгч 8 дугаар сарын 27-ны өдөр уг спорт заалны барилга угсралтын ажилд захиалагчийн техникийн хяналт гүйцэтгэсэн. Хяналтаар Аймгийн засаг даргаас хүргүүлсэн чиглэлийн дагуу "Бүтээлч Шинэ Сонголт" ХХК-д дараах үүргийг өгчээ. Тодруулбал барилгын ажлыг 9 дүгээр сард батгаан ашиглалтад оруулах, хүн хүчийг нэмэгдүүлэх, гэрэлтүүлгийн тоноглолыг яаралтай захиалах, заалны модон шалыг технологийн дарааллын дагуу хийж гүйцэтгэх,гадна бетон талбайн цутгалтыг бетоны дриллээр өнгөлөх, цонхны хаялга, гадна хаалганы босго, заал болон сургуулийн барилгын дээврийн уулзвар хэсгүүдэд дахин засаж сайжруулах, ажлын байр, сургуулийн орчны аюулгүй ажиллагааг тогтмол хангаж ажиллах, барилгын ажлын гүйцэтгэл бүрд хөтлөх самбар ашиглаж байх зэрэг үүрэг чиглэлийг өгсөн юм.
