2025 оны 11 сарын 24-нд Бэрх хотод “Нийгмийн орчин дахь хүүхэд хамгаалал” сэдвийн хүрээнд хүүхдийн чуулган зохион байгуулагдлаа. Арга хэмжээг Бэрх хотын Захирагчийн ажлын алба, Бэрх хотын Хүүхэд хамгааллын хамтарсан баг, Бэрх ерөнхий боловсролын сургууль, Олон улсын хөтөлбөртэй ерөнхий боловсролын Бэрх сургууль хамтран зохион байгуулав.
Чуулганд 6–12-р ангийн сурагчид, удирдлагууд, эцэг эхийн төлөөлөл болон төрийн байгууллагууд оролцож цаашид хэрэгжүүлэх ажил, бодлого төлөвлөлтөд хүүхдийн үзэл бодол, дуу хоолойг тусгах бодит нөхцөл бүрджээ. Чуулганы үндсэн илтгэлийг Бэрх ЕБС-ийн захирал С.Өлзийбаяр “Хүүхдийн эрүүл мэнд ба дижитал хэрэгсэл, цахим орчны зохистой хэрэглээ” сэдвээр тавьсан бөгөөд үүний дараа Бэрх хотын хоёр сургуулийн сурагчид Хүүхэд хамгааллын тухай хуулийн шинэчилсэн найруулгын хүрээнд асуудал дэвшүүлсэн мини илтгэлүүдийг танилцуулав.
Мөн сурагчдын дунд чөлөөт хэлэлцүүлэг өрнөж тулгамдсан асуудал, санал хүсэлт тавьж байгууллагуудын дарга, эрхлэгч, төлөөлөл газар дээр нь хариулт өгч хамтын ажиллагааны боломжуудыг танилцуулсан юм.
Чуулганы үр дүн:
Хүүхэд хамгааллын тулгамдсан асуудлуудыг тодорхойлон шийдвэрлэх чиглэлд санал нэгдэв Эцэг эх, багш, байгууллагуудын хамтын ажиллагааг сайжруулах шаардлагыг онцлов Хүүхдүүд бодитоор оролцож өөрийн дуу хоолойгоо хүргэсэн үр дүнтэй арга хэмжээ боллоо
“Бэрх хотын ирээдүйн эзэд” хүүхдийн чуулган нь хүүхдийн оролцоог нэмэгдүүлж бодлогын шийдвэрт хүүхдийн байр суурийг тусгах чухал алхам болжээ.
