Хэнтий аймгийн Засаг дарга Д.Аюурбунь болон Бор-Өндөр сумын Засаг дарга нар шинэ заалны нээлтийн үйл ажиллагаанд оролцлоо.
Тодруулбал Бор-Өндөр сумын Ерөнхий боловсролын сургуулийн спортын “Б” заалыг Бор-Өндөр Уулын баяжуулах үйлдвэрээс 250 сая төгрөгийн санхүүжилтээр иж бүрэн засвар, шинэчлэл хийж, албан ёсоор сургуулийн захиргаанд хүлээлгэн өглөө.
Тус заалын засварын ажлын хүрээнд хана, шал, таазны бүрэн шинэчлэл, дулаалга, гэрэлтүүлэг, агааржуулалт, дуу тусгаарлалт, тоног төхөөрөмжийн шинэчлэл зэрэг олон талт ажлуудыг хийж гүйцэтгэсэн нь сурагчдын биеийн тамирын хичээл, урлаг, спортын арга хэмжээг илүү тав тухтай, аюулгүй орчинд зохион байгуулах боломжийг бүрдүүлж байна.
