Аймагт Гэмт хэргээс урьдчилан сэргийлэх ажлыг зохицуулах салбар зөвлөлийн төлөвлөгөөнд жил бүр тусгагдан, уламжлал болгон зохион байгуулагддаг “Ногоон гэрэл цагаан шугам” тэмцээн өнөөдөр эхэллээ.
Уг тэмцээнд Хэрлэн сумын Ерөнхий боловсролын 5 сургуулийн 1-5-р ангийн сурагчид, эцэг эх, асран хамгаалагчид, багш нарын хамтарсан баг оролцож байгаа бөгөөд Тэмцээний гол зорилго нь сурагчдыг зам тээврийн ослоос урьдчилан сэргийлэх, замын хөдөлгөөнд соёлтой оролцох зөв дадлыг хэвшүүлэх, замын хөдөлгөөний дүрэм мэдлэгийг нэмэгдүүлэхэд оршдог.
“Ногоон гэрэл Цагаан шугам” арга хэмжээний нээлтэд Аймгийн иргэдийн Төлөөлөгчдийн Хурлын нарийн бичгийн дарга Ш.Жавхлан, аймгийн Цагдаагийн газрын захиргаа удирдлагын тасгийн дарга, хошууч С.Мөнх-Эрдэнэ, Хэнтий аймгийн Улаан загалмайн хороон дарга Ү.Энх-Ариунаа нар оролцлоо.
