Хэнтий аймгийн Хэрлэн сумын 1 дүгээр багийн нутаг дэвсгэрт банкны байрны гэр хорооллын 1га газрыг дахин төлөвлөлтөд оруулж барилгажуулах төсөл 2019 оноос хойш хэрэгжиж буй бөгөөд энэ онд тус аймгийн Засаг даргын 2025 оны 04 дүгээр сарын 10-ны өдрийн А/198 дугаар захирамжаар “Хэрлэн сумын 1 дүгээр баг, банкны байрны дахин төлөвлөлийн ажлыг зохион байгуулах ажлын хэсэг” байгуулагдсан.
Тус ажлын хүрээнд ДТБТөсөл-2025/001 дугаар бүхий “Банкны байрны гэр хорооллын газрыг дахин төлөвлөн барилгажуулах” төсөл хэрэгжүүлэгчийг сонгон шалгаруулалтыг 2025 оны 3-р улиралд зохион байгуулж “АТТАЧР” ХХК шалгарчээ.
Төсөл хэрэгжүүлэхээр сонгосон талбай дахь 23 айлын газрыг хоёр өрөө орон сууцаар солихоор тохиролцож 2025 оны 11 дүгээр сарын 19-ны өдөр төсөлд оролцогчдын хооронд байгуулах гурван талт гэрээ байгуулагдаад байна. Банкны байрны гэр хорооллын газрыг дахин төлөвлөн барилгажуулах төслийн хүрээнд нийт 288 айлын 4 блок, 12 давхар орон сууцны хотхон баригдах бөгөөд барилгын ажил 2025 оны 05 дугаар сараас эхлэх ба эхний ээлжийн орон сууц 2027 оны 12 дугаар сард ашиглалтад орохоор гэрээлэв.
