БНСУ-ын Жэжү хотноо үргэлжилж буй Ази тивийн аврага шалгаруулах морины саадтай харайлтын тэмцээнд "Хангарьд Жокей" клубын залуу жокей Ү.Марс-од, Э.Тэлмүүн, О.Энх-Очир, Э.Сүхбат нар дасгалжуулагч Ж.Мягмарсүрэнгийн удирдлаган дор амжилттай оролцлоо. Манай улсын төлөөлөл, залуу жокей Үүрцайхын Марс-Од өнөөдрийн уралдааны ганцаарчилсан төрөлд 4-р байр , багийн төрөлд БНСУ ын залуу жокей Ким Сү Жон-той сугалаа таарч 1-р байранд шалгарч Монголын морин спортын нэр хүндийг дэлхийд өргөлөө.
Тэмцээнд Монгол Улсаас НМСУХ-ны Тэргүүн М.Мөнхбаясгалан, НМСУХ-ны холбооны дэргэдэх “Хангарьд Жокей” клубын Тэргүүн М.Энхболд нар багийн хамт оролцож, өсвөрийн тамирчдаа дэмжин ажиллаж байна.
