Чингис хот-Норовлин сум чиглэлийн 68.6 км хатуу хучилттай авто замын ажлыг “Наранбулаг хан” ХХК нь 2022 оны дөрөвдүгээр сард эхэлсэн. Харин нэгдүгээр ээлжийн 50 км авто замыг 2023.12.20-ны өдөр байнгын ашиглалтад хүлээлгэж өгсөн бол хоёрдугаар ээлжийн 18.6 км авто замыг энэ оны 10 дугаар сард байнгын ашиглалтад хүлээлгэн өгөхөөр ажиллаж байна.
Үүнтэй холбоотойгоор “Наранбулаг хан” ХХК нь хатуу хучилттай авто замын ажилд ашигласан шороон ордын техникийн нөхөн сэргээлтийг 45 цэгт хийжээ.
Тус нөхөн сэргээлтэд Хэнтий аймгийн Засаг даргын захирамжын дагуу БОАЖГ-ын дарга Б.Мөнх-Эрдэнэ, ГХБХБГ-ын газрын удирдлагын хэлтсийн дарга Г.Лхагвабаатар болон Батноров сумын Засаг дарга Б.Жавхланбаяр нарын тэргүүтэй ажлын хэсэг хяналт тавьж ажиллалаа.
