Д.Амарбаясгалан УИХ-ын даргаас чөлөөлөгдөх хүсэлтээ өгч байгаагаа мэдэгдэж, сэтгүүлчдийн асуултад хариулж байна. Энэ үеэр “Таныг өөрийн хүсэлтээр шалгуулахад УИХ-ын бүрэн эрх чинь нөлөөлөх үү” гэсэн асуултад хариулаа.
Д.Амарбаясгалан “Би ямар нэгэн хэрэгт холбогдож, аливаа нэг хуулийн байгууллагат шалгагдаагүй гэдгийг удаа дараа хэлж байгаа. Аливаа шатны шүүхийн байгууллагаар Д.Амарбаясгалан гэм буруутай гэж гэж шийдвэр гаргасан тогтоол нэг ч байхгүй. Монгол Улсын Үндсэн хуульд хүн бүр чөлөөтэй, эрх чөлөөтэй амьдрах суурь эрхийг нь олгосон байдаг. Би өөрөө өөрийгөө гэм буруутай юу гээд шалгуулаад явж байх шаардлага Үндсэн хуулиар байхгүй. Холбогдоогүй хэрэгтээ гэм буруугүй гэдгээ нотол гэсэн шаардлагыг өгч байгаа зарчим анх удаа Монгол Улсын парламентын түүхэнд бий болсон. Үүнийг Монгол Улсын парламентын түүхэнд баримт болгож үлдээхгүйн тулд өөрийн хүсэлтээр чөлөөлөгдөж байна.
