Монгол улсад хүүхдийн байгууллага, хөдөлгөөн үүсэж хөгжсөний 100 жилийн ойг угтан Хэнтий аймагт хэрэгжиж буй "Ирээдүйн эзэд" хүүхдийн хөгжил хамгааллын хөтөлбөрийн хэрэгжилтийг хангах ажлын хүрээнд "ЗАСАГ ДАРГАД ХҮРГЭХ МИНИЙ ҮГ-100 САНАЛ-100 ШИЙДЭЛ" арга хэмжээг зарлагдлаа.
Энэ нь орон нутгийн хүүхдийн төлөө зөвлөлийн тэргүүнүүд сум, орон нутгийнхаа хүүхэд багачуудын гэр бүл, нийгмийн орчинд тулгамдаж буй асуудал, санал, санаачилгыг сонсох, хүлээн авах арга хэмжээг уулзалт, ярилцлага, бусад хэлбэрээр зохион байгуулж, шийдвэрлэх, бодлого төлөвлөлтөд тусгаж ажиллах зорилготой.
Тэгвэл тус арга хэмжээний хүрээнд Монгол улсад хүүхдийн байгууллага, хөдөлгөөн үүсэж хөгжсөний 100 жилийн ойг угтан хүүхдүүдэд хүүхдийн байгууллагын үүсэл, хөгжлийн талаар мэдээллийг түгээх, сумдын хүүхдийн төлөө зөвлөлийн тэргүүнүүд хүүхдийн элчтэйгээ хамтран хүүхдийн нас, сэтгэхүй, хөгжлийн онцлогт тохируулан хүүхдийн саналыг сонсох арга хэмжээг зохион байгуулж, гаргасан санал хүсэлтийг шийдвэрлэх, ирэх оны төлөвлөлтөд тулгамдаж буй асуудлыг тусгаж ажиллах юм.
