Баянмөнх сумын ерөнхий боловсролын сургуулийн 1-9 ангийн нийт 282 сурагч Улаан Загалмайн байгууллагад сайн дурын гишүүнээр элсэж тангараг өргөлөө. Арга хэмжээг нээж тус сумын Засаг дарга О.Нямдаваа , ЗДТГазрын дарга А.Болормаа , Хэнтий аймгийн дунд шатны хорооны дарга Ү.Энх-Ариунаа нар сурагчдад хандан баяр хүргэж амжилт хүслээ.
Нээлтийн үгнээс : Улс , аймагтаа үлгэр дууриалал болж , бусдад гэрэл гэгээ түгээн , хүнлэг , энэрэнгүй үйлсийг сурталчлах түгээн дэлгэрүүлэхэд сурагчдаараа , хамт олноороо бүрэн хамрагдаж , манлайлан оролцож ЕБС-ийн түүхт 90 жилийн тэгш ойг угтсан нэгэн сайхан үйлс болж байгаад талархал илэрхийлэн баяр хүргэлээ.
Энэхүү арга хэмжээнд Хэнтий аймгийн Улаан Загалмайн дунд шатны хорооны дарга Ү.Энх-Ариунаа , арга зүйч П.Мөнхбаатар нар хүрэлцэн ирж сурагчдад Улаан Загалмайн талаарх сургалт мэдээллийг хүргэж, анхан шатны тусламж үзүүлэх үзүүлэн сургалтыг зохион байгууллаа.
Мөн Өвсөрийн Улаан Загалмайн хороог 11 сурагчдаас бүрэлдэхүүнтэй байгуулж чиглүүлэгчээр З.Баяртуяа багш ажиллаж байна.
