Иргэдээс ирүүлсэн хүсэлтийн дагуу гэрээний бусаар такси үйлчилгээ хувиараа үзүүлдэг жолооч нартай Бор-Өндөр сумын удирдлагууд, сум дундын Цагдаагийн хэлтсийн албан хаагчид уулзлаа.
Энэ үеэрээ жолоочдод зохих дүрэм журмыг мөрдөж, замын хөдөлгөөний аюулгүй байдлыг хангаж ажиллах тухай мэдээлэл зөвлөгөөг өгчээ.
Иргэдээс ирүүлж байгаа гомдлын дийлэнх нь таксины жолоочид хурд хэтрүүлж, жолоо барьж байх үедээ гар утсаар ярих, дүрмийн бус гүйцэт түрүүлэх зэрэг зүй бус үйлдэл гаргаж байгааг сумын Засаг даргын зүгээс танилцуулж, иргэдийн амь нас, аюулгүй байдлыг нэн тэргүүнд авч үзэхийг хатуу анхаарууллаа.
