Хан Хэнтий уулын аймаг байгуулагдсаны 102 жилийн ойн баяр наадмын Урианхай сурын харваанд 30 харваач цэц мэргэнээ сорьлоо. Тодруулбал:
Тэргүүн байр – Баян-Өлгий аймгийн Булган сумын уугуул, Баян-Өлгий аймгийн Онцгой байдлын газрын харьяат, Мөнх цастын цэц багийн харваач, урианхай сурын спортын мастер Болорцоож овогтой Золзаяа 22 оноогоор тэргүүлж, аймгийн мэргэн цол хүртлээ.
Дэд байранд Төв аймгийн Баянцагаан сумын уугуул, Эрхэт гурван түрүү үндэсний сурын холбооны багш дасгалжуулагч, Хүч боржигон Холдинг ХХК-ийн харваач, урианхай сурын дэд мастер Бямбажавын Уянга 21 оноогоор.
Гуравдугаар байр – Баян-Өлгий аймгийн Булган сумын харъяат, Цагдаагийн ерөнхий газар, Хүч спорт хороо 805-р ангийн харваач, урианхай сурын спортын дэд мастер Ренцэбямбаа овогтой Батзориг 20 оноогоор.
Дөрөвдүгээр байр – Сүхбаатар аймгийн Түмэнцогт сумын уугуул, Бэрх цэц үндэсний сурын холбоо, Гүн талст байгаль ХХК-ийн харваач, үндэсний сурын аймгийн мэргэн Нэргүйбаатар овогтой Дандарбаатар 19 оноогоор.
Тавдугаар байр – Хэнтий аймгийн Хэрлэн сумын харьяат, Их хааны мэргэд, Зээт хүч ХХК-ийн харваач, үндэсний сурын сумын мэргэн Гэрэлчулуун овогтой Ганболд 18 оноогоор тус тус шалгарч наадамчин олноо баясгалаа.
