Улсын төсвийн хөрөнгө оруулалтаар хийгдэж буй Бор-Өндөр – Хэрлэн чиглэлийн хатуу хучилттай 179,7км /Хэнтий, Баянмөнх, Дархан, Бор-Өндөр сумын 1-р ээлжийн 41,5км/ авто замын ажил, ЦДАШ-ын ажил, гадна холбооны ажлын үйл явцтай аймгийн Засаг дарга Ц.Чогсомжав, сумын Засаг дарга Г.Адъяабилэгт, Засаг даргын орлогч Х.Галбадрах нар танилцлаа.
Энэхүү зам нь хөдөлгөөний 2 зурвастай, зорчих хэсгийн өргөн нь 7м, хучилттай хөвөө 2м*0.5м, хөвөөний өргөн 2*1.5м, хучилтын хийц нь хөлдөлтөөс хамгаалах үе 30см, цементээр бэхжүүлсэн суурь 20см, асфалть бетон хучилт 7см, төмөр бетон хоолой 87 цэгт байх юм.
Тус замын гүйцэтгэгчээр "Танкштелле" ХХК шалгарсан бөгөөд:
Замын чиг сэргээх ажил 100 хувь Хөрс хуулах ажил 45 хувь Далангийн дүүргэлтийн ажил 38 хувь Ухмалын ажил 20 хувийн гүйцэтгэлтэйгээр ажлын талбайд 56 машин техник, 81 хүний бүрэлдэхүүнтэй ажил гүйцэтгэж байна.
