Аймгийн иргэдийн төлөөлөгчдийн хурлын 2024 оны ээлжит сонгууль болоход нэг сарын хугацаа үлдээд байна. Тэгвэл тус сонгуульд оролцох Хэнтий аймгийн Монгол ардын намын хорооноос нэр дэвшигчдийнхээ баримт бичгийг өнөөдөр аймгийн сонгуулийн хорооны дарга Ж.Гантулгад хүлээлгэн өглөө.
Тодруулбал аймаг, нийслэл, сум, дүүргийн иргэдийн төлөөлөгчдийн хурлын сонгуулийн тухай хуулийн 31 дүгээр зүйлийн 31.2 дахь хэсэгт “нэр дэвшүүлсэн нам, эвсэл хуульд заасан нэр дэвшүүлэх ажиллагаа дууссан өдрөөс хойш гурав хоногт багтаан дараах баримт бичгийг тухайн шатны сонгуулийн хороонд ирүүлнэ:” гэж заасны дагуу хэнтий аймгийн монгол ардын намын хорооноос аймгийн иргэдийн төлөөлөгчдийн хурлын 2024 оны ээлжит сонгуульд оролцох нэр дэвшигчдынхээ баримт бичгийг хүлээлгэн өгсөн юм.
