Төр иргэдийн уялдаа холбоог сайжруулах, иргэдийг аливаа үйл ажиллагаанд оролцох идэвх санаачилгыг нэмэгдүүлэх, орон нутагт тулгамддаг асуудлыг хамтдаа шийдвэрлэх зорилготой иргэдийн оролцоот “Хэтийн Хэнтий” хөтөлбөр сүүлийн жилүүдэд Хэнтий аймагт хэрэгжиж байгаа.
Тус хөтөлбөрийн хүрээнд аймаг орон нутгаас хэрэгжүүлсэн арга хэмжээний талаар мэдээлэл өгч судалгаа авах, иргэдийг халдварт болон халдварт бус өвчний эрт илрүүлэх урьдчилан сэргийлэх үзлэг шинжилгээнд хамруулах болон төрийн үйлчилгээг нэг дороос хүргэх зорилготой иргэдийн оролцоот "Хэтийн Хэнтий" арга хэмжээ энэ сарын 3-наас эхлэн 18 сум, 5 тосгодод зохион байгуулагдах бөгөөд өнөөдөр ийнхүү Гурванбаян тосгоноос эхэллээ.
Арга хэмжээний хүрээнд иргэдэд дараах төрийн үйлчилгээг үзүүлэх юм. Үүнд:
- Аймаг, орон нутгаас хэрэгжүүлсэн арга хэмжээний талаар иргэд олон нийтэд танилцуулах, санал асуулга авах
- Аймгийн Нэгдсэн эмнэлгийн эрт илрүүлэг, үзлэг шинжилгээ
- Төрийн цахим үйлчилгээний хэлтсийн И-Монголиа системийн үйлчилгээ
- Мал эмнэлгийн газрын үйлчилгээ
- Улсын бүртгэлийн хэлтсийн үйлчилгээ
- Газрын харилцаа, барилга хот байгуулалтын газрын үйлчилгээ
- Нийгмийн даатгалын газрын үйлчилгээ тус тус явагдана.
Мөн аймгийн Засаг дарга Ц.Чогсомжав энэ үеэр төрийн албан хаагчид, иргэдтэй уулзаж аймаг, орон нутгаас хэрэгжүүлсэн арга хэмжээний талаар болон төр засгийн бодлого шийдвэр, сүүлийн жилүүдэд хийгдэж буй бүтээн байгуулалтын талаар иргэд олон нийтэд танилцуулж, ажиллалаа.
