Хэнтий аймгийн Засаг дарга Ц.Чогсомжав, ГХБХБГ-ын дарга Б.Сүнгээ болон холбогдох албаны хүмүүс Чингис хотын үерийн ус зайлуулах хамгаалалтын байгууламжтай танилцлаа.
Тус үерийн далангийн хувьд 2020 оноос Хэрлэн сумын хойд талд хийгдэж эхэлсэн бөгөөд нэг секундэд 10 м.куб ус зайлуулах хүчин чадалтай юм. Энэ жил өмнөх жилүүдтэй харьцуулахад ахиу хур бороотой, үер буух эрсдэл өндөр байсан. Тэгвэл дээрх үерийн далан хийгдсний үр дүнд хойноос орж ирж байгаа үерийн усыг голын хаялга руу гаргаж, аймгийн төв рүү үерийн ус орохоос сэргийлжээ.
Тиймээс дараа дараагийн жилүүдэд үерээс урьдчилан сэргийлэх үүднээс даланг нэмэгдүүлэх, нөхөн сэргээх, шуудуу нэмэх зэрэг шаардлагатай хийгдэх ажлуудын талаар мэргэжлийн инженер, холбогдох байгууллагуудтай аймгийн Засаг дарга өөрийн биеэр зөвлөлдөж, үүрэг чиглэл өглөө.
