Зэвсэгт хүчний жанжин штабын даргын тушаалаар зудын эрсдэлтэй байгаа аймгуудын малчдад туслах сэргээн босголтын бүлэг Сүхбаатар аймгийн Мөнххаан, Түмэнцогт, Сүхбаатар, Түвшинширээ, Дарьганга, Халзан, Онгон сумдад 14 хоног үүрэг гүйцэтгээд буцлаа.
Тус бүлэгт Зэвсэгт хүчний 014, 013, 120, 150, 350, 327, 338-р ангиуд, ЗХ-ний 016-р нэгтгэл, Дотоодын цэрэг, Хилийн 0184, 0146-р анги нэгтгэлүүдийн 127 албан хаагч оролцсон байна. Тэд 14 хоногийн хугацаанд 10880 км замыг туулж 37-н гэр хашааг нүүлгэж, цасанд дарагдсан 183 гэр хашааг гаргаж, хандив тусламжийн өвс тэжээл хүнсний бүтээгдэхүүн хүргэлтийг 48 байршилд хүргэж ажилласан байна.
Тэгвэл өчигдөр Сүхбаатар аймгийн удирдлагууд алба хаагчдыг хүлээн авч талархал илэрхийлж хошууч С. Ёндонпэрэнлэй, Дэд хурандаа Д.Нямсүрэн, Дэд хурандаа Н. Үүрцайх нарыг аймгийн хүндэт тэмдгээр, аймгийн хүндэт жуух бичгээр 9-н анги нэгтгэлийг шагнаж урамшууллаа.
