Өнөөдөр “Нээлттэй Өмнөговь-хэвлэл мэдээлэл” сургалт, зөвлөгөөн Даланзадгад хотноо эхэллээ. Тус зөвлөгөөнийг МСНЭ, МСНЭ-ийн Өмнөговь аймаг дахь салбар зөвлөл, Өмнөговь аймгийн ЗДТГ, түүний олон нийттэй харилцах алба хамтран энэ сарын 12,13-ны өдрүүдэд зохион байгуулж байна.
Зөвлөгөөний тухайд МСНЭ-ийн салбар зөвлөлийн тэргүүнүүд болон орон нутгийн сэтгүүлчдийг чадавхжуулах, хамтын ажиллагааг сайжруулах, харилцан туршлага солилцох зорилготой юм. Мөн цаашлаад Өмнөговь аймгийн засаг даргын үйл ажиллагааны “Нутгийн хишиг” хөтөлбөрийн хүрээнд хийгдэж буй ажлуудтай танилцана.
Мөн МУ-ын загийн газраас “Нээлттэй аймаг” хөтөлбөрийг зарласан. Үүнтэй холбоотойгоор “Нээлттэй Өмнөговь” аймаг хөтөлбөрийн хүрээнд хийгдэж буй томоохон ажлуудын нэг бол тус сургалт, зөвлөгөөн болж байна. Учир нь зөвлөгөөнд оролцогчдоор дамжуулан “Нээлттэй Өмнөговь” хөтөлбөрийн хүрээнд хийгдэж буй ажлуудыг олон нийтэд сурталчлах зорилготой гэсэн үг юм. Тэгвэл уг зөвлөгөөнд МСНЭ-ийн 21 аймаг дахь салбар зөвлөлийн тэргүүнүүд болон сэтгүүлчид гээд 50 орчим гишүүд хамрагдаж байна.
