Зүүн бүсийн барилгачдын холбоодын “Барилгачдаа сонсъё” зөвлөгөөн Чойбалсан хотноо боллоо. Энэ үеэр Дорнод аймгийн Засаг дарга М.Бадамсүрэн тус аймгийн барилгачдын холбоотой хамтарч ажиллах санамж бичигт гарын үсэг зурав. Ингэснээр аймгийн хэмжээнд барилгын бүртгэл, насжилтын тоон судалгааг гаргаж мэдээллийн нэгдсэн сантай болох боломж бүрдэх юм.
Зөвлөгөөний хүрээнд бүс нутгийн хэмжээнд барилгын салбарыг хөгжүүлэх, цаашид төрийн байгууллагатай хамтран ажиллах, барилагчдад тулгамдаж буй асуудал шийдэх арга зам, барилгын салбарын хөгжил чиг хандлага, дүрэм журам , Төрийн болон орон нутгийн өмчөөр бараа ажил, үйлчилгээ худалдан авах тухай хуулийн танилцуулгыг хүргэж байна.
