Аймгийн Засаг даргын Тамгын газраас төрийн албан хаагчдын нийгмийн баталгааг хангах хөтөлбөрийн хүрээнд аймгийн Засаг даргын ивээл дор дөрвөн томоохон арга хэмжээ зохион байгуулж буйн нэг нь “СПОРТЫН ОЛОН ТӨРӨЛТ ТЭМЦЭЭН” юм.
Тэмцээн ирэх дөрөвдүгээр сарын 4-7-ны өдрүүдэд Чингис хотноо зохион байгуулагдах бөгөөд
– Олс таталт
– Сагсан бөмбөг
– Гар бөмбөг
– Дартс гэсэн дөрвөн төрлөөр явуулна.
Төрөл бүрд эхний гурван байр шалгаруулж өргөмжлөл, мөнгөн шагналаар урамшуулахын зэрэгцээ хурд хүч, авхаалж самбаагаараа бусдыгаа манлайлж, тэмцээний бүх төрөлд нийлбэр дүнгээрээ шалгарсан эхний таван багийг 800 мянган төгрөгөөс 3.0 сая хүртэлх төгрөгийн мөнгөн шагнал, өргөмжлөлөөр шагнана.
Түүнчлэн багийн гол хүч болох “ШИЛДЭГ ХӨГЖӨӨН ДЭМЖИГЧ”-ийг шалгаруулж эхний гурван байрт шалгарсан багт өргөмжлөл мөнгөн шагнал гардуулна.
Энэхүү тэмцээнийг зохион байгуулснаар төрийн албан хаагчдын хамтач уур амьсгал, ур чадварыг нэмэгдүүлэн, биеийн тамирч спортоор хичээллүүлж, тэдний эрүүл мэнд, бие бялдарын хөгжлийг дэмжих юм.
