Баянмөнх сумын спорт цогцолборын барилга ашиглалтад орж, нээлтээ хийсэн байна.
Тус барилга нь улсын төсвийн 1,9 тэрбум төгрөгийн хөрөнгөөр баригдсан бөгөөд 19м*45м харьцаатай спорт цогцолборын зургийг “Ангатранс” ХХК зохиож, барилга угсралтын ажлыг "Си Эйч Би Жи Констракшн" ХХК 2022 оноос эхлэн гүйцэтгэж, ийнхүү хүлээлгэн өгч байна.
Хөдөө орон нутагт стандартад нийцсэн спорт заалтай болсноор сурагчид амжилт гаргах, спортын олон төрөл хөгжих бололцоо бүрдсэнийг салбарын сайд онцоллоо. Ташрамд дуулгахад Хэрлэн-Бор-Өндөр чиглэлийн авто замын ажил энэ онд эхлэх бөгөөд Баянмөнх сумаар дамжин өнгөрөхөөс гадна, сумын төвийн авто зам мөн тавигдах юм.
