Тайландын Пукет хотод 2024 оны 3-р сарын 10-17-ны хооронд зохион байгуулагдсан Тулааны урлагийн 6-р их наадам Муайтай боксын Дэлхийн аварга шалгаруулах тэмцээнд -57кг жинд Ц.Амарсанаа өрсөлдөгчдөө ялж аваргын алтан медаль, Муайтай боксын хагас мэргэжлийн дэлхийн аварга боллоо.
Тэрээр өөрийн цахим хуудастаа "Өнгөрсөн жил сонирхогчийн дэлхийн аварга болж байсан бол миний бие амжилтаа улам ахиулан Дэлхийн хошой аварга болж хүсэж мөрөөдсөн бүсээ авч чадлаа. Энэхүү амжилтад хүрэхэд намайг бүх талаар дэмжиж тусалсан ах ,эгч , багш дасгалжуулагч гэр бүл , найз нөхөд та бүхэндээ гүнээ талархаж байна. Илүү их хичээж улс орныхоо нэрийг өндөрт өргөх болно оо" хэмээн нийтэлжээ.
