Хэнтий аймгийн Засаг даргын тамгын газрын Цэргийн штабаас Монгол Улсад орчин цагийн зэвсэгт хүчин үүсэж хөгжсөний 103 жилийн ой, "Монгол цэргийн өдөр"-ийг тохиолдуулан төрийн цэргийн болон хууль сахиулах байгууллагуудын дунд спортын олон төрөлт тэмцээн, марш тактик тусгай бэлтгэлийн аварга тасаг шалгаруулах тэмцээн зохион байгууллаа.
Тэмцээний нийлбэр дүнгээр Онцгой байдлын газрын баг тамирчид тэргүүлж шилжин явах цомын эзэд боллоо.
Харин хоёрдугаар байранд Цагдаагийн газар, гуравдугаар байранд ШШГГ-нээлттэй 419 дүгээр хорих анги шалгарлаа. Харин марш тактик тусгай бэлтгэлийн тэмцээнд Хилийн цэргийн 0287 дугаар анги нэгдүгээр байр, Онцгой байдлын газар хоёрдугаар байр, Зэвсэгт хүчний 232 дугаар ангийн бие бүрэлдэхүүн гуравдугаар байрт шалгарлаа.
Буудлагын төрөлд Тагнуулын хэлтсийн тамирчин нэгдүгээр байр, Монгол цэргийн нэгдсэн холбооны бэлтгэл хурандаа нар хоёрдугаар байр, Хилийн цэргийн 0287 дугаар анги гуравдугаар байрт шалгарлаа.
Тус тэмцээнд Зэвсэгт хүчний 232 дугаар анги, Хилийн цэргийн 0287 дугаар анги, ШШГГ-нээлттэй 419 дүгээр хорих анги, Онцгой байдлын газар, Цагдаагийн газар, Дотоодын цэрэг, Тагнуулын хэлтэс зэрэг найман байгууллагын алба хаагчид гар бөмбөг, пауэрлифтинг, дартс, шатар, марш тактикын тусгай бэлтгэлээр хурд хүч, авхаалж самбаагаа сорин өрсөлдлөө.
