Дорнод аймгийн Матад сумын цагаанаар зудархуу байгаа Жаргалант, Буянөндөр багийн малчин айл өрхийн хооронд зам гаргах ажил явагдаж байна.
Мөн өнөөдөр Баруун тосонгоос эхлээд халзангийн зам, төмөр замын гарам гараад говь хүртэлх замыг хусаж нээлээ. Сумын хойд хилийн зааг хүртэл замыг гаргах юм.
Аймгийн онцгой комиссоос хуваарилагдсан хоёр автомашин Жаргалант багийн өвөлжилт хүндэрсэн 82 өрх мөн Буянөндөр багийн хойд тал болох Баянхангай багийн баруун талаар тус тус зам гаргахаар ажиллах бөгөөд замыг аймаг хүртэл гаргана.
Мөн Гурванзагал сумын хэмжээнд цасанд хаагдсан даваа гүвээ болон айл өрх рүү зам гаргах ажлыг Бүсийн төв Дорнод аймгийн ОБГ-ын туулах чадвар сайтай авто машинаар гүйцэтгэж эхлээд байна.
