ХХААХҮЯ-аас өвөлжилт хүндэрсэн аймгуудад улаан буудайг олгохоор болж Хэнтий аймагт 750 тонн улаан буудайг хуваарилсан. Тэгвэл тус аймаг малчдадаа улаан буудай олгох зорилгоор түргэн шуурхай татан авах ажлыг зохион байгуулж, өнөөдөр эхний ээлжид 140 тонн тэжээлийн задгай улаан буудай аймгийн төвд бууж байна.
Улаан буудайг татан авах замын зардал, шуудай зэрэгт нийт эрсдэлийн сангийн 100 гаруй сая төгрөгийг зарцуулжээ.
Аймгийн хэмжээнд 11 алба, 23 мэргэжлийн анги байгаагаас өнөөдөр хуваарийн дагуу Цагдаагийн газар, ЗДТГ, Онцгой байдлын газар, ЦТСС, ХХААГ зэрэг таван байгууллагын 80 орчим алба хаагчид дайчлагдан улаан буудайг шуудайлах ажлыг зохион байгуулж байна.
Тус улаан буудайг эхний ээлжид төмөр зуд болон цагаан зудтай өвөлжилт хүндэрсэн найман сумын малчдад олгох юм. Шуудайлсны дараа сумууд өөрсдийн техник, бие бүрэлдэхүүнтэй ирж авна. Харин үлдсэн тэжээлийн буудайг ийнхүү ар араас нь татан авсаар байх юм.
