Улсын онцгой комиссын 2024 оны 02 дугаар хуралдаанаар өвөлжилт хүндэрсэн аймаг, сумдын нутаг дэвсгэрт цасанд боогдсон зам харгуйг чөлөөлөх, айл өрхүүдэд хүнс, түлээ, түлш малын өвс, тэжээл хүргэх ажлыг УОК-оос томилогдсон ажлын хэсэг аймаг сумдын онцгой комисстой хамтран зохион байгуулах шийдвэр гарсан.
Үүнтэй холбоотойгоор өнөөдөр \2024.02.18\ аймгийн онцгой комисс шуурхай хуралдаж Жаргалтхаан, Өмнөдэлгэр, Баян-Адарга, Батноров, Баянмөнх, Галшар, Дархан, Баянхутаг сумдад энэ сарын 19-өөс эхлэн дээрх чиглэлээр ажиллахаар боллоо. Тусламж нэн шаардлагатай найман сумын 1000 гаруй өрх байгаа юм.
