Багш сурган хүмүүжүүлэгч нарын хөдөлмөрийн үнэлэмжийг нэмэгдүүлэх, нийгмийн баталгааг хангах зорилгоор аймгийн Засаг даргын нэрэмжит “Би Хэнтийн багш” болзолт уралдаан анх удаа зохион байгуулагдлаа.
Уралдаан нийт гурван үе шаттай явагдсан бөгөөд эхний шатанд ЕБС, СӨББ-ын нийт 197 багш бүртгүүлж, үүнээс 86 багш 2 дугаар шатанд тэнцэж үлджээ. Харин сүүлийн шатны шалгаруултад 26 багш мэдлэг чадвар, заах арга зүйгээрээ өрсөлдөж, өнөөдөр ийнхүү шилдгүүдээ тодрууллаа.
Уралдааны 1-3 дугаар байрт шалгарсан 5 багшийг 5.0-25.0 сая төгрөгөөр урамшуулж байгаа бол сүүлийн шатанд шалгарсан 21 багшид тус бүр 500,0 мянган төгрөгийн шагнал гардуулан өглөө.
