Албан үүргээ гүйцэтгэж яваад амь үрэгдсэн алба хаагчдын дурсгалд хүндэтгэл үзүүлэх “бид мартахгүй” өдөрлөгийг Хэнтий аймгийн цагдаагийн газар зохион байгууллаа.
Монгол улсын эрх чөлөө, тусгаар тогтнолыг хамгаалах, гэмт хэрэгтэй тэмцэх, нийтийн хэв журам хамгаалах, иргэдийн амгалан тайван байдлыг хангах, төрийн тусгай албанд андгай тангараг өргөн хүчин зүтгэхэд амь нас, эр зориг, тэсвэр хатуужил, хүч хөдөлмөр, сэтгэл зүтгэлээ зориулж яваад амь насаа алдсан 4 алба хаагчдыг эргэн дурсаж, тэдний ар гэрт хүндэтгэл үзүүлсэн юм.
