Улсын их хурлын гишүүн Б.Бат-Эрдэнэ, Ц.Идэрбат, ХНХЯ-ны нийгмийн даатгалын бодлогын хэрэгжилтийг зохицуулах газрын дарга Б.Батжаргал нар өнөөдөр \2023.09.29\ Чингис хотноо зохион байгуулагдаж буй ахмадын урлагийн 3-р наадмын үеэр ахмадуудад “Нийгмийн даатгалын багц хуулийн шинэчлэл”-ийн талаар мэдээлэл өгч, танилцууллаа.
Ингэхдээ нийгмийн даатгалын багц хууль, ахмад настны хуулийн хэрэгжилт, инфляцитай уялдсан цалин, тэтгэврийн нэмэгдэл олгох болно гэдгийг УИХ-ын гишүүн Ц.Идэрбат онцлон хэлсэн юм. Түүнчлэн итгэлцүүр хэрэглэсэн цалингаас тэтгэврийг дахин бодсоноор ижил мэргэжлээр ойролцоо жил ажиллаж шимтгэл төлсөн иргэдийн тэтгэврийг зөрүү ойртох юм байна.
