Олон улсын ахмадын баярын өдрийг тохиолдуулан Хэнтий аймгийн ЗДТГ-аас “Манлайлагч ахмад” ёслолын үйл ажиллагааг зохион байгууллаа. Энэ үеэр улс эх орон, төрөлх нутгийнхаа хөгжил цэцэглэлт, ирээдүй хойч үеийнхээ төлөө залуу нас, халуун сэтгэлээ зориулан олон жил үр бүтээлтэй хөдөлмөрлөж, өөрийн мэдлэг чадвар, ур ухаанаа хойч үедээ өвлүүлэн үлдээх их үйлсэд идэвх санаачилгатай ажилласан сум бүрийн төлөөлөл болох 23 ахмадыг “Манлайлагч ахмад”-аар өргөмжиллөө. Мөн төрийн дээд Алтангадас одонгоор Хэрлэн сумын харьяат Д.Ганболд шагнагдсан юм.
Тус үйл ажиллагаанд УИХ-ын гишүүн Б.Бат-Эрдэнэ, Ц.Идэрбат, аймгийн Засаг дарга Ц.Чогсомжав нар болон 18 сум 5 тосгоны 500 гаруй ахмад оролцлоо.
