Монгол улсад биеийн тамир, спортын салбар үүсэж хөгжсөний 100 жилийн ой, хүүхдийн бөхийн “Хан Хэнтий аварга” дэвжээний 15 жилийн ойд зориулсан үндэсний өсвөр үеийн 2024 оны аймгийн аварга шалгаруулах тэмцээн Чингис хотноо эхэллээ.
Тэмцээн энэ сарын 11-14-нийг хүртэлх өдрүүдэд үргэлжлэх бөгөөд 5-20 насны ангиллаар зохион байгуулагдах юм. Өнөөдөр 5,6 настнуудын барилдаан аймгийн БТСГ-т эхлээд байна.
Барилдаанд түрүүлсэн, үзүүрлэсэн, их шөвөгт шалгарсан бөхчүүдэд медаль өргөмжлөл, мөнгөн шагнал, дурсгалын зүйлс, дунд шөвөгт шалгарсан бөхчүүдэд өргөмжлөл, мөнгөн шагнал дурсгалын зүйлээр шагнах ба уран барилдаан, уран гараа дэвээтэй бөхийг шалгаруулж тусгай шагналаар шагнаж урамшуулна.
