Хан Хэнтий уулын аймаг байгуулагдсаны түүхт 100 жилий ой, үндэсний их баяр наадмын аймгийн цол олгох хүчит бөхийн барилдаан өнөөдөр \2023.07.10\ зохион байгуулагдлаа.
Тус барилдаанд улс, аймаг, сумын цолтой 128 бөх зүлэг ногоон дэвжээнээ эр бяр, оюун ухаанаа сорин барилдсанаас Баян-Адарга сумын харьяат аймгийн заан Б. Түвшинтөгс, Баянхутаг сумын харьяат МУ-ын начин О. Цэцэнцэнгэлээр долоо давж “Aймгийн арслан” цол хүртлээ. Мөн өнгөрсөн хоёр жилийн баяр наадмын түрүү Баян-Адарга сумаас тодорч байсан бөгөөд тус сум 100 жилийн ойн босгон дээрээ шинэхэн аймгийн арслангаа ийнхүү өлгийдөн авлаа.
Харин Бор-Өндөр сумын харьяат сумын заан Г.Оргил, Өмнөдэлгэр сумын харьяат аймгийн начин Г. Ганзориг нар бөхийн барилдааны их шөвгийн дөрөвт шалгарч, Г. Оргил “Аймгийн начин” цол хүртсэн бол Г. Ганзориг начин цолоо баталлаа.
