Баяр наадмын өдрүүдээр Хэнтий аймгийн Онцгой байдлын газар иргэдийн аюулгүй байдлыг хангах зорилгоор Хэрлэн голын эрэг дагуу усны эргүүл, хяналт шалгалтыг зохион байгууллаа.
Эргүүлийн үйл ажиллагаанд ОБГ-ын 7 алба хаагч пургон автомашин, моторт завь, 4 дугуйт мотоцикл ашиглан усанд осолдох эрсдэлийг бууруулах, голын эрэг дагуух иргэдэд сэрэмжлүүлэг хүргэх, хүүхэд хамгааллын хяналт тавих чиглэлээр ажиллажээ.
Иргэд та бүхэн гол, мөрний эрэг орчимд амарч зугаалахдаа бага насны хүүхдэд тавих хараа хяналтаа сайжруулж, аюулгүй байдлаа хангаж, усны ослоос урьдчилан сэргийлэхийг Онцгой байдлын газраас анхааруулж байна.
