Олон улсын эмэгтэйчүүдийн эрхийг хамгаалах өдөр буюу 3 дугаар сарын 8-ны өдөр зохион байгуулагдсан “Хатан Эрдэнэ” арга хэмжээний нээлтийн үеэр Норовлин сумын Засаг дарга Ө.Даваажаргалын санаачлагаар нэгэн сайн үйлсийн төслийг эхлүүлэхээр зарлалаа.
Тодруулбал, Норовлин сумын Засаг даргын Тамгын газрын ажилтан агсан Төмөрбаатарын Баярмаагийн гурван охинд зориулсан “Зүүд биш байгаасай-3” төслийг нутгийн иргэдтэйгээ хамтран хэрэгжүүлэхээр болсон байна.
Т.Баярмаа нь сум орон нутагтаа идэвх зүтгэлтэй ажиллаж явсан боловч 2025 онд авто ослын улмаас харамсалтайгаар нас барж, ар гэр, хамт олон, найз нөхөддөө хүнд гарз тохиосон юм.
Иймд түүний гурван охины ирээдүйд дэмжлэг үзүүлэх зорилгоор тус төслийг эхлүүлж, Норовлин сумын иргэдийн хамтын оролцоотойгоор дөрвөн улиралд амьдрах боломжтой иж бүрэн байшин барьж бэлэглэхээр төлөвлөж байна.
Энэхүү санаачилга нь талийгаачийн ар гэрт бодит дэмжлэг үзүүлэхээс гадна нутгийн иргэдийн эв нэгдэл, хүнлэг сэтгэлийн илэрхийлэл болж буйгаараа онцлог юм.
