Хэнтий аймаг болон БНХАУ-ын ӨМӨЗО-ны Хөлөнбуйр хот хоорондын хамтын ажиллагааны хүрээнд аймгийн Засаг дарга Д.Аюурбунь тэргүүтэй төлөөлөгчид 2025 оны 06 дугаар сарын 10–13-ны өдрүүдэд Хөлөнбуйр хотод ажиллах үеэр хоёр орны соёлын солилцооны хөтөлбөрийг хэрэгжүүлэхээр харилцан тохиролцжээ.
Энэхүү ажлын хүрээнд Хөлөнбуйр хотын зүгээс Хэнтий аймгийн 10 иргэнийг богино хугацааны буюу 1-3 сарын солилцооны хөтөлбөрт хамруулахаар болсон байна.
Уг хөтөлбөрт Хэнтий аймгаас 7 иргэн хамрагдаж 2025 оны 10 дугаар сараас 12 дугаар сар хүртэл Хөлөнбуйр хотын дээд сургуульд Хятад улсын хэл, соёл, ёс заншлын талаар суралцахаар явлаа.
