Бор-Өндөр сумаас 29 км “Хүрэн өндөр” гэдэг газар Хэнтий аймгийн чиглэлд болон Бор-Өндөр сумаас 32 км зайд Дархан сумын чиглэлд ой, хээрийн түймрээс урьдчилан сэргийлэх самбар байршууллаа.
Ой, хээрийн түймрээс урьдчилан сэргийлэх зөвлөмж:
Ойн тухай хуульд заасан хавар, намрын хуурайшилтын цаг хугацаа буюу жил бүрийн 03 дугаар сарын 20-ны өдрөөс 06 дүгээр сарын 10, 09 дүгээр сарын 20-ны өдрөөс 11 дүгээр сарын 10-ны өдрийн хооронд ой болон тал хээрийн бүсэд шаардлагагүй бол зорчихгүй байх Хуурайшилтын аюултай үед ногоон бүсэд аялал зугаалга хийхгүй байх Малын өтөг бууцыг ой, хээрийн бүсэд хаяхгүй, зориулалтын хогийн цэгт хаях Ой, хээрт автомашинтай зорчихдоо автомашины доод яндангийн хэсэгт өвс их хэмжээгээр хуримтлагддагаас автомашин шатах, цаашлаад ой, хээрийн гал түймэр гарах шалтгаан болдог. Иймд аюулгүй байдлыг хангаж байнга сайтар шалгаж байх. Ой, хээрт явахдаа түлсэн гал, асаасан шүдэнз, татсан тамхины гал, цог, нурмыг бүрэн унтраах Түймрийн аюултай улиралд хог, хаягдлыг зөөж тээвэрлэх, хаяхдаа гал түймрийн аюулгүй байдлыг хангах Ан агнуур хийх үед галт сум хэрэглэхгүй байх Гэр, байшин, малын хашаа, саравч, өвс тэжээл, худгийн эргэн тойронд нь 100-аас доошгүй зайд 10 метрийн өргөнтэй зурвас татах Айл өрх бүр гал түймэр унтраах анхан шатны багаж хэрэгсэлтэй байх Иргэн таны буруутай үйл ажиллагаанаас гарсан гал түймрийн шалтгаан нөхцөл нь байгаль экологид учруулсан хохирлын хэмжээ хууль, шүүхийн байгууллагаас тогтоогдсон тохиолдолд хуулийн хариуцлага хүлээхийг анхаарна уу.
