Өнгөрөгч 2023 оны 10 сард аймгийн Засаг дарга Ц.Чогсомжав Цэнхэрмандал суманд ажиллахдаа сургуулийн засварын ажилтай танилцжээ. Энэ үеэр сургуулийн хамт олны зүгээс шинэ урлаг заалтай болсон учир дууны тоног төхөөрөмж шаардлагатай байгаа талаар хүсэлт тавьсан байна. Үүнтэй холбоотойгоор өчигдөр \2024.01.10\тус сумын ЕБС-ийн урлаг зааланд зориулж 6 сая төгрөгийн тоног төхөөрөмжүүдийг гардуулан өглөө.
Сургуулийн хувьд сурагчдыг хөгжүүлэх зорилготой хичээлээс гадуурх үйл ажиллагаанууд болон урлаг соёлын арга хэмжээ зохион байгуулахад тоног төхөөрөмжийн асуудал тулгамддаг байжээ. Ийнхүү иж бүрэн тоног төхөөрөмжтэй болсноор тус сургуульд суралцаж буй 250 хүүхдийн хөгжих боломж илүү нэмэгдэж байгаад сургуулийн багш нар сайшаалтай байна.
Энэ мэтчилэн аймгийн засаг дарга сумдад ажиллах үеэрээ иргэд болон байгууллагуудын зүгээс тавьсан асуудал, хүсэлтийг шат дараатай шийдвэрлэж байгаа юм.
