Газар зохион байгуулалт, геодези, зураг зүйн ерөнхий газраас 2025 оныг “Иргэдийн итгэлийг хүлээсэн төрийн үйлчилгээний жил” болгон зарласантай холбогдуулан төрөөс газрын талаар баримтлах бодлого шийдвэрийг хэрэгжүүлэх, хууль тогтоомжийг сурталчлах ажлыг зохион байгуулж байна.
Энэхүү ажлын хүрээнд 2025 онд 7 бүсэд бүсчилсэн сургалтуудыг үе шаттайгаар зохион байгуулах бөгөөд эхний бүсчилсэн сургалтыг Дорнод Монголын хуурай хээрийн тогтвортой ландшафт, биологийн олон янз байдлын хамгаалал төсөл, Хэнтий аймгийн Газрын харилцаа, барилга, хот байгуулалтын газартай хамтран Зүүн бүсийн 3 аймгийн Газрын харилцаа, барилга, хот байгуулалтын газрын албан хаагчдыг чадавхжуулах сургалтыг Хэнтий аймгийн Чингис хотод 2025 оны 2 дугаар сарын 6,7-ны өдрүүдэд зохион байгууллаа.
Тус сургалтад Хэнтий, Дорнод, Сүхбаатар аймгийн Газрын харилцаа, барилга, хот байгуулалтын газрын Газар зохион байгуулалтын төлөвлөлт хариуцсан ахлах мэргэжилтэн, Суурь судалгаа, газрын мониторингийн асуудал хариуцсан мэргэжилтэн, Кадастрын асуудал хариуцсан мэргэжилтэн, сумдын газрын даамал зэрэг нийт 50 гаруй албан хаагч хамрагдлаа.
