УИХ-ын гишүүн У.Отгонбаяр эрүүл мэндийн даатгалын тухай хуулийн хэрэгжилттэй танилцаж, тус даатгалын тогтолцоог оновчтой болгох чиглэлээр санал, дүгнэлт гаргах, шаардлагатай бол холбогдох хуулийн төсөл боловсруулах үүрэгтэй ажлын хэсгийн 3 дахь хурлаа хийлээ. Тус хуралдаанд Гэр бүл, хөдөлмөр, нийгмийн хамгааллын сайд Л.Энх-Амгалан болон холбогдох албаны хүмүүс оролцож, нийгмийн даатгал, эрүүл мэндийн даатгалын шимтгэлийн орлого, нөхцөл байдлын талаар танилцуулж санал бодлоо хуваалцжээ.
