Монгол Улсын Ерөнхий сайдын ивээл дор жил бүр зохион байгуулдаг "Монгол улсын иргэний андгай өргөх ёслол"-ын үйл ажиллагаа /2024.11.26/ Хан Хэнтий чуулгад боллоо.
Хэнтий аймгийн хэмжээнд энэ онд 16 нас хүрч буй 903 хүүхэд залуус байгаа бөгөөд танхимаар 500 хүүхэд, Хэнтий аймгийн өнцөг булан бүрд сурч хөдөлмөрлөж байгаа 400 гаруй сурагчид цахимаар холбогдон нэгэн зэрэг иргэний андгай өргөж Монгол Улсын иргэн гэдгээ батлан тангарагласан юм.
Мөн 12 сурагч Монгол улсаа батлан хамгаалах эрхэм үүргээ хүлээн авч цэргийн үүрэгтний үнэмлэхээр гардан авлаа. Энэ үеэр Монгол цэргийн холбооны Хэнтий аймгийн нарийн бичгийн дарга, дэд хурандаа Ц.Батсайхан Эх орноо хайрлах, эх орны хариуцлагатай иргэн болон төлөвших, өв соёл уламжлалаа эрхэмлэн хүндэтгэх талаар лекц уншлаа.
Энэхүү арга хэмжээг АЗДТГ, Улсын бүртгэлийн хэлтэс, хамтран зохион байгуулсан байгуулсан юм.
