Хэнтий аймгийн Засаг дарга Ц.Чогсомжав Гурванбаян тосгонд ажиллалаа. Энэ үеэр Гурванбаян тосгоны цэцэрлэгийн нөхцөл байдалтай танилцсан юм. Тус тосгоны цэцэрлэг анх 1986 онд ашиглалтад орж байжээ. Түүнээс хойш одоог хүртэл барилга шинэчлэгдээгүй, нэг ч удаа их засвар хийгдээгүй байна. Тиймээс цэцэрлэгийн удирдлага, багш ажилчдын зүгээс хүүхдүүдийн сурах орчныг сайжруулах нэн шаардлагатай байгаа тул одоогоор зураг төслөө хийлгээд явж байна, ойрын жилдээ цэцэрлэгийн барилгын шинэчлэх хүсэлтийг аймгийн удирдлагад тавилаа.
Аймгийн даргын зүгээс жил бүр боловсролын салбартаа анхааран ажиллаж байгаа тиймдээ ч дараагийн жилүүдэд томоохон их засвар шаардлагатай цэцэрлэгүүдийг эрэмбэлээд, багтвал аймаг орон нутаг, улсын төсөвт багтаах боломжтой гэдгээ хэллээ.
Мөн цэцэрлэгийн гал тогоонд жигнүүр, аяга таваг ариутгагч, будаа агшаагч зэрэг тоног төхөөрөмжүүд шаардлагатай байгаа юм.
