Монгол улсад “Ойн модны салбар” үүсэж хөгжсөний түүхт 100 жилийн ойн хүрээнд Хэнтий аймгийн сум болон сум дундын ойн ангиуд, ойн мэргэжлийн байгууллагуудын дундах спортын тэмцээн Дадал суманд 6 дугаар сарын 4,5-ны өдрүүдэд зохион байгуулагдаж байна. Тэмцээний нээлтийн үйл ажиллагаанд аймгийн БОАЖГ-ын дарга Г.Мөнх-Эрдэнэ, Дадал сумын Засаг дарга Д.Мөнх-Од нар оролцож баг тамирчдад баяр хүргэлээ.
Тэмцээнд Өмнөдэлгэр, Биндэр, Дадал, Батширээт, Цэнхэрмандал, Баян-Адарга, Норовлин сумдын ойн ангиуд болон мэргэжлийн байгууллагууд оролцож байна. Тэмцээн волейбол, теннис, дартс гэсэн төрлүүдээр өрсөлдөж юм. Тэмцээн маргааш ур чадварын тэмцээнээр үргэлжилнэ.
