Аймгийн Засаг даргын 2024 оны 04 дүгээр сарын 11-ний өдрийн А/189 дугаар захирамжаар ой, хээрийн гал түймрээс урьдчилан сэргийлэх ажлыг эрчимжүүлэх зорилгоор эрсдэл бүхий 7 сумдад аймгийн Онцгой байдлын газраас томилгоот 5 шуурхай бүлгүүд үүрэг гүйцэтгэж байна.
Тухайлбал Баян-Адарга, Дадал, Биндэр, Галшар, Дэлгэрхаан, Норовлин, Батширээт гэсэн сумдад үүрэг гүйцэтгэж байна. Шуурхай бүлгүүд ой, хээрийн гал түймрээс урьдчилан сэргийлэх ажил зохион байгуулахаас гадна суманд хорогдсон мал, амьтны сэг зэм устгалын явцад хяналт тавьж мэргэжил арга зүйн зөвлөгөө өгч хамтран ажиллаж 75-95 хувийн гүйцэтгэлтэй байна.
Шуурхай бүлгүүд 17 дахь өдрөө үүрэг гүйцэтгэж байгаа бөгөөд сумдын 1793 өрхийн 7598 иргэнд ой, хээрийн болон объектын гал түймрийн аюулаас урьдчилан сэргийлэх ухуулга сурталчилгааны ажлыг зохион байгуулан 2352 санамж хуудсыг хүргэсэн байна.
Хаврын хуурайшилт үргэлжилж ой, хээрийн гал түймэр гарах өндөр эрсдэлтэй байгаа тул иргэд дор бүрнээ хариуцлагатай байж гал түймрийн аюулаас урьдчилан сэргийлж байгаль дэлхийгээ хайрлан хамгаалцгаая
