Өнөөдөр (2024.05.03) Дорнод аймагт "Шинэ хоршоо" хөдөлгөөний Зүүн бүсийн нээлт боллоо. Уг хөдөлгөөнд Дорнод, Хэнтий, Сүхбаатар аймгийн 400 гаруй малчин, хоршоологчдын төлөөлөл оролцож байна.
Энэ хүрээнд "Бүсийн онцлогт тохирсон хоршооны загвар төсөл", "Хоршооны засаглал", "Хоршооны малчин, малчны зээлд хамрагдах боломж" зэрэг мэдээллүүдийг хүргэж буй.
Малчдын амьжиргааг сайжруулах, уламжлалт мал аж ахуйг хөгжүүлэх зорилгоор Монгол Улсын Засгийн газраас 5-10 жилийн хугацаанд 5 их наяд төгрөгийн цогц бодлогыг хэрэгжүүлэхээр баталсан. Энэ хүрээнд хоршооны гишүүн малчин 50 сая хүртэлх зээл авах боломж бүрдэж байна. Мөн есөн малчин айл нэгдэж нэг хоршоо байгуулж, хөнгөлөлттэй зээл болон үйлдвэрлэл явуулах чиглэлээр 5 га газрыг нэг удаа үнэ төлбөргүй эзэмших боломжтой юм.
