Хэнтий аймгийн Засаг даргын ивээл дор “Зүүн бүсийн аварга шалгаруулах үсчин, гоо засалчдын анхдугаар тэмцээн” өнөөдөр \2024.04.16\ Чингис хотноо эхэллээ. Тэмцээнд Дорнод, Сүхбаатар, Хэнтий аймгийн 60 орчим үсчин гоо сайханчид, 6 төрлөөр өрсөлдөх юм.
Тус тэмцээнийг Хэнтий аймгийн үсчин гоо засалчдын мэргэжлийн холбоо, ЗДТГ, ХХААГ хамтран зохион байгуулж байна. Тэмцээний нээлтийн үйл ажиллагаанд аймгийн Засаг даргын орлогч Л.Батсайхан, ХБТХОХ-ийн дарга Э.Мөнх-Эрдэнэ, ХХААГ-ын дарга Ж.Энх-Амгалан, Хэнтий аймгийн үсчин гоо засалчдын мэргэжлийн холбооны тэргүүн Т.Бямбатогоо нар оролцож баяр хүргэлээ.
Тэмцээнийг “Алтан гар” МҮГЗМХ-ны мастерууд ирж шүүн явуулж буй бөгөөд тэмцээний өмнөх хоёр хоногт оролцогчдод сургалт хийж, мэргэжлийн арга зүйн зөвлөгөө өгсөн юм.
